Цаг үеийн мэдээ

11 дэхь удаагийн Ширакава Шизукагийн нэрэмжит Ханзны заах аргын уралдаанаас Монголын Япон хэлний багш нарын холбооны дунд сургуулийн багш нарын баг 2016 оноос хойш тасралтгүй зохион байгуулсан 7 удаагийн “Ханзны наадам” болон  『集まれ楽しい漢字』цуврал номоороо тусгай шагнал хүртлээ. Энэ удаа Монгол улсаас анх удаа тухайн уралдаанд оролцоод шагналт байранд шалгарсан юм. 

Шагнал гардуулах ёслол 2024 оны 11-р сарын 30-нд Фүкүи мужийн захиргаанд зохион байгуулагдаж Сайтама мужийн Үрава хотод Япон сангийн багшийн мэргэжил дээшлүүлэх курсад суралцаж байгаа “Хобби” сургуулийн багш Б.Үүрийнтуяа оролцож шагналаа гардаж авлаа.